ЈАПОНИЈА ДОНИРА НОВ ЕХО АПАРАТ И CTG ФЕТАЛЕН МОНИТОР ВО ОПШТА БОЛНИЦА КОЧАНИ
Со овој проект, Јапонија овозможи ЈЗУ Општа болница Кочани да добие нов Canon ехо апарат и CTG фетален монитор на Гинеколошкото одделение, во вкупен износ од 47,863 евра.
„Со јапонската донација на Гинеколошкото одделение направивме околу 6.870 гинеколошки прегледи со ехо апаратот и 2.340 CTG мониторирања на состојбата на плодот преку регистрација на срцевиот ритам.” Вели д-р Серафимов.
Преку GGP, досега, Јапонија финансираше над 60 проекти во здравствениот сектор во вкупна вредност од повеќе од 3 милиони евра конкретно во медицинска опрема, реновирање на клиники и возила за брза помош. Дополнително, Јапонија во последните две години ги опремува јавните здравствени установи со медицинска опрема во вредност од 813.000 евра како итна помош за COVID-19, дел од Програмата за економски и социјален развој и дополнителна нефинансиска помош понудена во лекови за 100 пациенти со КОВИД-19.
Преку проектите од програмата за мали грантови (GGP), Јапонија има финансирано реновирање и набавка на опрема за повеќе од 73 училишта и градинки, 64 здравствени установи и обезбеди 34 специјализирано возило за управување со отпад и комунални услуги за 51 општинa.